सहारा वन चैनल पर आइ सं धारावाहिक बिट्टो शुरू भ रहल अछि। एहि मे,उत्तरप्रदेश के एक गामक पृष्ठभूमि मे सामाजिक भेदभाव के देखाओल गेल छैक। सवर्ण द्वारा छोटका जातिक लोग के प्रतिएं अत्याचार एकर कथानक के मूल अछि। धारावाहिक मे,बिट्टो एक ग्रामीण युवती छैक जकर सेहन्ता एतबे टा छैक जे ओकर परिवार खुशहाल आ सुरक्षित हु्अए। ओकर बहिन रज्जो बड्ड तमसाह स्वभावक छैक मुदा बिट्टो संकोची आ भीरू प्रवृति के अछि। ओकर परिवार एहन गाम मे बसैत छैक जतए उच्च आ निम्न जातिक मध्य स्पष्ट विभाजन रेखा छैक। ग्राम प्रधान आ उच्च जातिक बड़का ठाकुर छोटका जातिक लोक सभ पर बड़ अत्याचार करैत अछि। धारावाहिक के प्रसारण प्रति सप्ताह सोम सं शुक्र धरि राति साढे आठ बजे सं हएत।
