भारतीय रेलवे कैटरिंग एंड टूरिज्म कारपोरेशन लिमिटेड(आईआरसीटीसी) पर्यटक सभ कें कम खर्च मे भारत दर्शन कराओत। योजनांतर्गत देश के महत्वपूर्ण तीर्थस्थल सभहक लेल पटना सं 6 जून कए एक विशेष ट्रेन चलाओल जाएत। आईआरसीटीसी के क्षेत्रीय प्रभारी प्रवीण कुमार कें कहब छन्हि जे 6 जून कए पटना जंक्शन सं विशेष ट्रेन भारत दर्शन के लिए खुजत जे केदारनाथ, बद्रीनाथ, देव प्रयाग, हरिद्वार, ऋषिकेश, गौरी कुंड, कर्ण प्रयाग, विष्णु प्रयाग, रुद्र प्रयाग आर नंद प्रयाग कें दर्शन कराओत। एकर माध्यम सं दिन के यात्रा मे ठहरबाक आ घुमबाक विशेष व्यवस्था कएल गेल छैक। पर्यटक लोकनि कें एहि वास्ते मात्र 6155 रुपय्या जमा कराबए पड़तनि।
